امریکا (مانیٹرنگ ڈیسک) امریکی صدر ٹرمپ کا کہنا تھا کہ بورڈ آف پیس کے اجلاس میں تمام رکن ممالک نے غزہ میں تعمیر نو اور انسانی امداد کیلئے 5ارب ڈالرز اور ہزاروں فوجیوں کا وعدہ کیا ہے۔
انٹرنیشنل میڈیا کے مطابق امریکا کے صدر صدر ٹرمپ نے سوشل میڈیا پر کہا ہے کہ رکن ممالک نے اقوامِ متحدہ کی منظوری سے قائم کی جانے والے اسٹیبلائزیشن فورس اور مقامی پولیس کے لیے ہزاروں اہلکار فراہم کرنے کا بھی عزم کیا ہے۔صدر ٹرمپ کے مطابق جمعرات کو ہونے والا اجلاس اس گروپ کا پہلا باضابطہ اجلاس ہوگا جو ڈونلڈ ٹرمپ انسٹی ٹیوٹ آف پیس میں منعقد ہوگا، اجلاس میں 20 سے زائد ممالک کے وفود شرکت کریں گے۔ اس بورڈ کے قیام کی توثیق اقوامِ متحدہ کی سلامتی کونسل کی ایک قرارداد کے ذریعے کی گئی تھی، جو ٹرمپ انتظامیہ کے اس منصوبے کا حصہ ہے جس کا مقصد غزہ میں اسرائیل اور فلسطینی مزاحمتی تنظیم حماس کے درمیان جنگ کا خاتمہ کرنا ہے۔
