غیر قانونی طور پر بیرون ملک جانے والوں اور سنگین جرائم میں ملوث افراد کے گرد گھیرا تنگ
اسلام آباد (کھوج نیوز) غیر قانونی طور پر بیرون ملک جانے والے افراد کے گرد گھیرا تنگ کرتے ہوئے سنگین جرائم میں ملوث مجرموں کے خلاف قانونی کارروائی کا فیصلہ کر لیا ہے۔
تفصیلات کے مطابق غیر قانونی امیگریشن کی روک تھام سے متعلق 4 ملکی کانفرنس میں سنگین جرائم میں ملوث مجرموں کو یورپ سے پاکستان واپس لاکر ان کے خلاف قانون کے مطابق کارروائی کرنے کا فیصلہ کرلیا گیا۔
وزیر داخلہ محسن نقوی کی اٹلی اور اسپین کے وزرائے داخلہ اور یونان کے وزیر مائیگریشن سے ملاقات میں چاروں ممالک بے غیر قانونی امیگریشن روکنے کے لیے مربوط حکمت عملی اپنانے پر اتفاق کیا ہے۔ وزیر داخلہ محسن نقوی نے کہا یورپ غیرقانونی امیگریشن سے سب سے زیادہ متاثر ہے، مشترکہ میکنزم سے ہی اس چیلنج کاخاتمہ ممکن ہے۔کانفرنس میں اٹلی، اسپین اور یونان نے غیرقانونی امیگریشن روکنے کے لیے پاکستان کی کوششوں کو سراہا، تینوں یورپی ممالک نےغیر قانونی امیگریشن میں 47 فیصد کمی پر پاکستان کوزبردست خراج تحسین پیش کیا۔
تینوں ممالک نے استعداد کار بڑھانے کےلیے یورپی یونین کے ذریعے پاکستان کی بھرپور معاونت کا بھی فیصلہ کیا
