اسلام آباد(کھوج نیوز) وفاقی ترقیاتی بجٹ میں مزید کتنے ارب کی کٹوتی ہوئی؟ اور یہ کن کن محکموں کے بجٹ میں کی گئی ہے؟ اس حوالے سے تمام اعدادو شمار سامنے آگئے ہیں۔
تفصیلات کے مطابق ذرائع کا کہنا ہے کہ پانی، تعلیم، صحت، ریلوے، ہاؤسنگ، آئی ٹی و ٹیلی کام اور تمام شعبوں کے ترقیاتی بجٹ میں کٹوتی کی گئی ہے۔ ذرائع کے مطابق پی ایس ڈی پی میں کٹوتی وزارت خزانہ کی طرف سے کی گئی، کٹوتی کے بعد پی ایس ڈی پی کا حجم 837 ارب روپے رہ گیا۔ اس سے قبل بھی مارچ میں پی ایس ڈی پی میں 100 ارب روپے کی کٹوتی کی گئی تھی، اب تک مجموعی طور پر ترقیاتی بجٹ پر 163ارب روپے کی کٹوتی ہوچکی ہے۔
