مالا کنڈ ، خیبرپختونخوا (کھوج نیوز) مالا کنڈ اور خیبرپختونخوا میں اربوں روپے کے ٹیکس چوری کا انکشاف ہوا ہے جس کے بعد ایف آئی اے حرکت میں آگئی ہے اور تحقیقات کا آغاز بھی کر دیا ہے۔
تفصیلات کے مطابق ایف آئی اے ذرائع نے بتایا کہ 1120 ارب روپے کی ٹیکس چوری کی تحقیقات کی جائیں گی جس کیلئے ایڈیشنل ڈی جی نارتھ ایف آئی اے کی سربراہی میں 5 رکنی ٹیم تشکیل دی گئی ہے۔ ذرائع کے مطابق امپورٹڈ میٹریل پر 1120 ارب روپے کی مبینہ ٹیکس چوری ہوئی ہے، 108 کمپنیاں 389 ارب روپے کی ٹیکس چوری میں ملوث قرار پائی ہیں جس کیلئے کمپنیوں کو نوٹسز جاری کردیے گئے ہیں۔ ذرائع کے مطابق خوردنی تیل کی نجی کمپنی کے مالکان اور ایم ڈی کو طلب کیا گیا ہے جب کہ تحقیقات سینیٹ کی قائمہ کمیٹی داخلہ کی سفارش پر شروع کی گئی ہیں۔
