پنجاب میں ڈینگی کے تابڑ توڑ حملے، مریضوں کی تعداد کہاں جا پہنچی؟ہوشرباء خبر

لاہور(ویب ڈیسک) پنجاب میں ڈینگی کے تابڑ توڑ حملے جاری ہیں جس کے نتیجے میں مریضوں کی تعداد میں ہوشرباء اضافہ ہو گیا ہے شہری بری طرح خوف میں مبتلا بھی ہو گئے ہیں۔

تفصیلات کے مطابق سیکرٹری پرائمری و سیکنڈری ہیلتھ کیئر پنجاب علی جان خان کے مطابق رواں سال صوبہ بھر میں ڈینگی کے7 ہزار 405 تصدیق شدہ مریض رپورٹ ہوئے ہیں۔ سیکرٹری پرائمری و سیکنڈری ہیلتھ کیئر پنجاب کی جانب سے دیئے گئے اعدادو شمار کے مطابق لاہور میں گزشتہ روز 74نئے مریض رپورٹ ہوئے جبکہ رواں سال لاہور میں ڈینگی کے 2 ہزار 996تصدیق شدہ مریض رپورٹ ہوئے۔ علی محمد جان نے بتایا کہ لاہور کے ہسپتالوں میں ڈینگی کے 66 سے زائد مریض زیر علاج ہیں جبکہ پنجاب کے مختلف ہسپتالوں میں ڈینگی کے تقریبا151مریض زیر علاج ہیں۔کئی مریض چھوٹے نجی ہسپتالوں میں بھی زیر علاج ہیں۔ ہسپتالوں میں آنے والے مریضوں کا کہنا ہے کہ ڈینگی کے مسلسل اضافے کے باوجود ہسپتالوں میں ڈینگی کے علاج کے حوالے سے کوئی خاطر خواہ اقدامات نہ اٹھائے جا سکے، ڈینگی ٹیسٹوں کے حوالے سے بھی سہولیات نہ ہونے کے برابر ہیں۔