پہلا بڑا اپ سیٹ،افغانستان کی آسٹریلیا کو 21 رنز سے شکست

سینٹ ونسنٹ(سپورٹس ڈیسک) افغانستان نے آسٹریلیا کو 21 رنز سے شکست دے کر آئی سی سی ٹی 20 ورلڈ کپ کے سپر 8 مرحلے کا پہلا بڑا اپ سیٹ د کھا دیا۔ اصل میں افغانستان نے آسٹریلیا کو شکست دے کر ورلڈ کپ 2023 کی شکست کا بدلہ لینا تھا جو انہوں نے کر دکھایا۔آسٹریلیا کی پوری ٹیم افغانستان کے 148 رنز کے تعاقب میں 19.2 اوورز میں 127 رنز بنا کر آؤٹ ہو گئی۔ہدف کے تعاقب میں کینگروز کا آغاز اچھا نہ تھا، ٹریوس ہیڈ تین گیندیں کھیل کر بنا کوئی رن بنائے نوین الحق کی بال پر بولڈ ہو گئے۔ ٹی 20 اسپیشلسٹ ڈیوڈ وارنر صرف 3 رنز بنا سکے۔کپتان مچل مارش کی مزاحمت صرف 12 رنز تک محدود رہی، گلین میکسویل نے بلے کے کمالات دکھا کر سب سے نمایاں 59 رنز کی اننگ کھیلی، مارکوس اسٹوئنس کچھ خاص کرامات نہ دکھا پائے اور 12 رنز پر ہی ڈھیر ہو گئے۔اور اس سے بھی کم پرفارمنس رہی ایڈم زمپا کی جنہوں نے صرف نے 9 رنز بنائے۔

افغانستان کی جانب سے گلبدین نائب نمایاں باؤلر تھے جنہوں نے 4 آسٹریلوی بیٹرز کو پولین کی راہ دکھائی۔ اس کے علاوہ نوین الحق نے بھی 3 کینگروز کوا شکار کھیلا۔ راشد خان، عظمت اللہ عمرزئی اور محمد نبی نے ایک ایک کھلاڑی کو گراؤنڈ سے چلتا کیا۔اس سے قبل سینٹ ونسٹنٹ میں کھیلے جانے والے میچ میں آسٹریلیا نے ٹاس جیت کر پہلے افغانستان کو بیٹنگ کی دعوت دی، افغانستان نے مقررہ 20 اوورز میں 6 وکٹوں کے نقصان پر 148 رنز بنائے۔افغانستان کی جانب سے اوپنرز نے سنچری پارنٹری شپ بنائی مگر 15.5 اوورز میں 118 رنز کی پارٹنر شپ نے ٹیم کو بڑا اسکور کرنے سے محروم کر دیا۔رحمان اللہ گرباز 60 اور ابراہیم زردان 51 رنز بنا کر آؤٹ ہوئے، کریم جنت نے 13 رنز بنائے۔کینگروز کی جانب سے پیٹ کمنز نے 3 کھلاڑیوں کو آؤٹ کیا جبکہ ایڈم زمپا نے 2 اور مارکوس اسٹوئنس نے 1 وکٹ لی۔ افغانی اسکواڈ میں شامل کھلاڑوں میں رحمت اللہ گرباز، ابراہیم زردان، گلبدین نائب، عظمت اللہ عمر زئی، محمد نبی، کریم جنت، ننگیالیا خروٹے، راشد خان (کپتان)، نور احمد، نوین الحق، فضل حق فاروقی تھے جب کہ آسٹریلیا کے اسکواڈ میں ٹریوس ہیڈ، ڈیوڈ وارنر، مچل مارش (کپتان) گلین میکسویل، مارکوس اسٹوئنس، ٹم ڈیوڈ، میتھیو ویڈ، پیٹ کمنز، ایشٹن ایگر، ایڈم زمپا، جوش ہیزل ووڈ موجود تھے۔