گوگل کے سرچ نتائج میں تبدیلی‘اب کیا ہوگا؟

لاہور(ٹیکنالوجی ڈیسک) ایک اور سانحہ ہونے کو ہے اور وہ یہ کہ ٹیکنالوجی کمپنی گوگل اپنے قبرستان میں ایک اور فیچر دفن کرنے جا رہی ہے۔ تازہ ترین رپورٹ کے مطابق کمپنی نے اپنا سرچ کیے گئے نتائج کی مسلسل اسکرولنگ کا فیچر ختم کرنے کا حتمی فیصلہ کر لیا ہے۔یوزر ایکسپیرئنس فیچر سب سے پہلے اکتوبر 2021 میں موبائل ڈیوائسز پر سرچ نتائج کے لیے متعارف کرایا گیا تھا جس کو بعد میں یعنی 2022 کے آخر میں ڈیسک ٹاپ ورژن کے لیے جاری کیا گیا۔یعنی اس کی مزید ترقی ہو گئی تھی تاہم اس وقت تو اس کی تنزلی کا وقت آ گیا ہے اور گوگل اقنا ج فیصلہ کر لیتی ہے اس پر عمل پیرا ضرور ہوتی ہے۔

گوگل کے ایک ترجمان نے ایک مزید وضاحت کی کہ مستقل اسکرولنگ کا فیچر ڈیسک ٹاپ سرچ نتائج سے ہٹا لیا گیا ہے جبکہ آئندہ مہینوں میں موبائل فون سے بھی یہ فیچر ختم کر دیا جائے گا۔اوراس کی جگہ ڈیسک ٹاپ پر اب گوگل کا کلاسک پیجینیشن بار ظاہر ہوگا جس کو استعمال کرتے ہوئے صارفین سرچ میں آنے والے کسی بھی مخصوص پیچ پر یا ’نیکسٹ‘ پر کلک کر کے اگلے صفحے پر جا سکیں گے۔موبائل فون پر پیچ کے آخر میں ’مور رزلٹس‘ کا بٹن پیش کیا جائے گا تاکہ اگلے صفحے پر جایا جا سکے۔گوگل انتظامیہ کے مطابق اس تبدیلی کا مقصد سرچ نتائج کو تیزی پیش کرنا ہے۔