سیمی فائنل میں شکست، افغان کپتان راشد خان چپ نہ رہے
جس طرح سے تمام کھلاڑیوں نے مقابلہ کیا مجھے ان پر فخر ہے: راشد خان
لاہور(سپورٹس ڈیسًک)ٹی ٹوئنٹی ورلڈکپ کے سیمی فائنل میں شکست کے بعد افغانستان کے کپتان راشد خان کا بیان سامنے آگیا۔ٹرینیڈاڈ کے برائن لارا اسٹیڈیم میں کھیلے گئے پہلے سیمی فائنل میں جنوبی افریقا نے یک طرفہ مقابلے کے بعد کسی بھی آئی سی سی ایونٹ کے سیمی فائنل میں پہلی مرتبہ پہنچنے والی افغان کرکٹ ٹیم کو 9 وکٹوں سے شکست دی۔
افغانستان کی بیٹنگ لائن اپ جنوبی افریقی بولرز کے سامنے ریت کی دیوار ثابت ہوئی اور پوری ٹیم صرف 56 رنز پر ڈھیر ہو گئی، 9 کھلاڑی ڈبل فگر میں بھی داخل نہ ہو سکے، صرف عظمت اللہ ززئی 10 رنز بنا کر نمایاں رہے۔سیمی فائنل میں افغانستان کی جنوبی افریقا کے ہاتھوں شکست کے بعد اب افغانستان کرکٹ ٹیم کے کپتان راشد خان نے سوشل میڈیا پر ایک بیان جاری کیا ہے۔راشد خان نے لکھا کہ ہم اس ٹی ٹوئنٹی ورلڈک کو ہمیشہ یاد رکھیں گے، ٹیم کے ہر کھلاڑی نے جس طرح ڈٹ کر مقابلہ کیا وہ قابل ستائش ہے اور مجھے پوری ٹیم پر فخر ہے
