پی سی بی نے کونسے 12 کھلاڑیوں کو مختلف لیگز کیلئے این او سی جاری کیا؟ نام سامنے آگئے

لاہور(سپورٹس ڈیسک) پاکستان کرکٹ بور ڈ(پی سی بی) نے قومی کرکٹ ٹیم کے کونسے 12 کھلاڑیوں کو مختلف لیگز کھیلنے کے لئے این او سی جاری کیا؟ سب کے نام سامنے آگئے ہیں۔

تفصیلات کے مطابق پاکستان کرکٹ بورڈ (پی سی بی ) کی جانب سے این او سی حاصل کرنے والے کرکٹرز میں ابرار احمد، فخر زمان، حارث رؤف، محمد عامر، محمد حارث اور محمد حسنین شامل ہیں۔ سلمان علی آغا، شاداب خان، شرجیل خان، صہیب مقصود، اسامہ میر اور زمان خان کو بھی این او سی جاری کیا گیا۔ ابرار احمد کو میجر کرکٹ لیگ کے لیے 4 سے 28 جولائی تک، فخر زمان کو سی پی ایل کے لیے 29 اگست سے 6 اکتوبر تک جبکہ حارث رف کو ایم ایل سی، محمد حسنین کو لنکا پریمیئر لیگ کے لیے این او سی جاری کیا گیا۔

ذرائع نے بتایا ہے کہ شرجیل خان اور صہیب مقصود کو ورلڈ چیمپئن شپ آف لیجنڈز کے لیے این او سی جاری کیا گیا جبکہ اسامہ میر کو دی ہنڈرڈ اور زمان خان کو ایم ایل سی کے لیے این او سی جاری ہوا۔محمد عامر کو کاؤنٹی کرکٹ کے لیے 4 سے 20 جولائی این او سی ملا جبکہ محمد حارث کو لنکا پریمیئر کے لیے این او سی جاری کیا گیا۔ سلمان علی آغااور شاداب خان ایل پی ایل کے لیے این او سی جاری ہوا۔