سہ فریقی سیریز ‘پاکستان کن ممالک کی میزبانی کریگا؟ شیڈول جاری

لاہور(سپورٹس ڈیسک)پاکستان کرکٹ بورڈ(پی سی بی)نے بڑا اعلان کیا ہے جس کے مطابق 21 سال بعد ہونے والی سہ فریقی سیریز کا شیڈول واضح کر دیا گیا ہے۔پی سی بی نے سال 2024-25 کیلئے ہوم انٹرنیشنل کرکٹ سیزن کے شیڈول کیا جس کی خاص بات یہ تھی کہ 21برسوں میں پہلی ون ڈے سہ فریقی سیریز ہے، جس کی میزبانی کا شرف پاکستان کو حاصل ہو گا۔سہ فریقی سیریز آئی سی سی چیمپئنز ٹرافی 2025 کی تیاریوں کے سلسلے میں رکھی گئی ہے۔

یہ بھی واضح ہو چکا ہے کہ نیوزی لینڈ اور جنوبی افریقہ پر مشتمل سہ فریقی سیریز 8 سے 14 فروری تک ملتان میں کھیلی جائے گی جبکہ سیزن کا اختتام چیمپئنز ٹرافی 2025 کے فائنل کے ساتھ ہوگا جو 9 مارچ کو شیڈول کیا گیا ہے۔اگست 2024 سے مارچ 2025 تک یعنی ٹوٹل آٹھ ماہ میں پاکستانی مینز کرکٹ ٹیم 9 ٹیسٹ، 9 ٹی20 اور کم از کم 14 ون ڈے کھیلے گی۔دوسری جانب سہ فریقی سیریز اور آئی سی سی چیمپئنز ٹرافی 2025 دونوں میں ون ڈے کی تعداد بڑھ سکتی ہے۔