انگلش ویمن کرکٹر’مرلی دھرن اور ڈینس للی کے ریکارڈ توڑنے کیلئے منزل کے قریب

لاہور(سپورٹس ڈیسک)انگلینڈ کی ویمنز کرکٹر سوفی ایکلسٹون نے بین الاقوامی کرکٹ کی تاریخ میں اہم کارنامہ سرانجام دینے والی ہیں۔انگلش ویمن کرکٹر مسلسل سب سے زیادہ اننگز میں وکٹ لینے والے بائولرز کی ایلیٹ لسٹ میں مرلی دھرن اور ڈینس للی سے محض ایک میچ دور رہ گئی ہیں۔اگر سوفی ایکلسٹون آئندہ ہونے والے میچ میں وکٹ حاصل کرلیتی ہیں تو وہ مسلسل 35 اننگز میں مسلسل وکٹیں لینے والی پہلی ویمن کرکٹر جبکہ بالرز کی فہرست میں لیجنڈ سری لنکن اسپنر مرلی دھرن اور ڈینس للی کو بھی پیچھے چھوڑ دیں گی۔

مسلسل سب سے زیادہ اننگز میں وکٹیں لینے کا ریکارڈ بشن سنگھ بیدی کے پاس ہے، انہوں نے لگاتار 46 اننگز میں وکٹیں حاصل کیں، نیپال کے اسپنر سندیپ لامیچانے دوسرے نمبر پر موجود ہیں جنہوں نے 43 مرتبہ یہ کارنامہ انجام دیا جبکہ مرلی دھرن اور ڈینس للی نے 35، 35 مرتبہ وکٹیں حاصل کیں تھی۔انگلش ویمن کرکٹر سوفی ایکلسٹون 34 لگاتار میچوں میں وکٹیں لیکر فہرست میں آخری پوزیشن پر موجود ہیں۔