سموگ کی تمام حدیں عبور’ مریم نواز بھی میدان میں آگئیں، بڑے اعلانات کر دیئے
سموگ پر قابو پانے کے ایس او پیز پر عملدرآمد میں کوتاہی برداشت نہیں ہوگی، سیاہ دھوئیں والی گاڑیاں، چمنیاں بند رہیں گی اور فصلوں کی باقیات جلائی گئیں تو گرفتاریاں ہوں گی
لاہور(کھوج نیوز) صوبائی دارالحکومت میں سموگ تمام حدیں عبور کر گئی ہیں جس پر قابو پانے کے لئے وزیراعلیٰ پنجاب مریم نواز شریف میدان میں آگئی ہیں اور بڑے اعلانات کر دیئے ہیں۔
تفصیلات کے مطابق وزیراعلیٰ پنجاب مریم نواز نے اسموگ کی صورتحال میں جنگی بنیادوں پر کام کرنے کی ہدایت کردی۔ وزیراعلیٰ نے ماحولیاتی قوانین پر عمل درآمد کی ہدایت کی اور ماسک پہننا لازمی قرار دے دیاگیا۔ سینئر صوبائی وزیر مریم اورنگزیب کا کہنا تھاکہ شہری ماحولیاتی آلودگی کے خلاف جہاد میں بھرپور حصہ لیں، بھارت سے تیز ہواؤں کے ساتھ آنے والی سموگ سے بچا میں ہر شہری کو کردار ادا کرنا ہوگا۔ انہوں نے کہا کہ سموگ پر قابو پانے کے ایس او پیز پر عملدرآمد میں کوتاہی برداشت نہیں ہوگی، لاہور میں سیاہ دھوئیں والی گاڑیاں، چمنیاں بند رہیں گی اور فصلوں کی باقیات جلائی گئیں تو گرفتاریاں ہوں گی۔ ان کا کہنا تھاکہ اسموگ کی شدت میں کمی کیلئے لاہور میں ہنگامی ٹریفک پلان جاری کیا جارہا ہے۔
