ہانگ کانگ سکسزٹورنامنٹ،کرکٹ ٹیم کپتان فہیم اشرف کی قیادت میں گزشتہ شب براستہ بنکاک کیلئے روانہ ہوگئی

لاہور(سپورٹس ڈیسک) ہانگ کانگ سکسز ٹورنامنٹ کیلئے پاکستان کرکٹ ٹیم کپتان فہیم اشرف کی قیادت میں گزشتہ شب براستہ بنکاک، ہانگ کانگ کیلئے روانہ ہوگئی۔ ٹیم میں آصف علی، عامر یامین، دانش عزیز، حسین طلعت، شہاب خان اور محمد اخلاق شامل ہیں۔ ہانگ کانگ سکسز ٹورنامنٹ یکم سے تین نومبر تک کھیلا جائے گا، ایونٹ میں شریک 12 ٹیموں کو چار گروپس میں تقسیم کیا گیا ہے، پاکستان ٹیم پول سی میں انڈیا اور یو اے ای کے ساتھ شامل ہے۔

یکم نومبر کو پاکستان ٹیم پہلا میچ یو اے ای اور دوسرا میچ انڈیا سے کھیلے گی، ہر گروپ کی دو ٹاپ ٹیمیں کوارٹر فائنل کیلئے کوالیفائی کریں گی۔ کوارٹر فائنل دو نومبر کو جبکہ سیمی فائنل اور فائنل تین نومبر کو ہوں گے۔