پاکستانی نوجوان بیٹسمین صائم ایوب نے برائن لارا کا منفرد ریکارڈ توڑ ڈالا

لاہور(سپورٹس ڈیسک) قومی کرکٹ ٹیم کے نوجوان بیٹسمین صائم ایوب نے ویسٹ انڈیز ٹیم کے سابق کپتان برائن لارا کا 31سال بعد منفرد ریکارڈ توڑ ڈالا جو کہ ایک بڑی خبر ہے۔

تفصیلات کے مطابق جنوبی افریقہ کے خلاف پہلے ون ڈے میں پاکستان ٹیم کے بیٹسمین صائم ایوب نے شاندار سنچری سکور کی اور 109رنز کی اننگز کھیلی تھی۔ 22 سالہ صائم ایوب نے جنوبی افریقا کے خلاف سنچری اسکور کرنے کے بعد برائن لارا کا 31 سال قبل بنایا گیا ریکارڈ توڑ دیا۔ صائم ایوب ون ڈے کرکٹ میں جنوبی افریقا کے خلاف ہدف کے تعاقب میں سنچری اسکور کرنے والے دنیا کے کم عمر ترین بیٹر بن گئے ہیں جبکہ اس سے قبل برائن لارا نے 1993 میں 23 سال اور 297 دن کی عمر میں جنوبی افریقا کے خلاف ون ڈے میں ہدف کے تعاقب میں سنچری اسکور کی تھی۔