کھیل
جنوبی افریقہ کیخلاف ٹیسٹ سیریز، قومی ٹیم کا اعلان، محمد عباس کی 3سال بعد واپسی
تجربہ کار فاسٹ بولر محمد عباس کی پلیئنگ الیون میں واپسی ہوئی ہے جنہوں نے آخری بار پاکستان کے لیے اگست 2021 میں ویسٹ انڈیز کے خلاف ٹیسٹ کھیلا تھا
لاہور(سپورٹس ڈیسک) جنوبی افریقہ کے خلاف کھیلی جانے والی 2میچوں پر کی ٹیسٹ سیریز کے لئے قومی کرکٹ ٹیم کا اعلان کر دیا گیا جس میں فاسٹ بائولر محمد عباس کی 3سال بعد واپسی بھی ہوئی ہے۔
تفصیلات کے مطابق پاکستان چار فاسٹ بولرز کے ساتھ میدان میں اتریگا، تجربہ کار فاسٹ بولر محمد عباس کی پلیئنگ الیون میں واپسی ہوئی ہے جنہوں نے آخری بار پاکستان کے لیے اگست 2021 میں ویسٹ انڈیز کے خلاف ٹیسٹ کھیلا تھا۔ محمد عباس نے اس سیزن میں قائداعظم ٹرافی کے پانچ میچوں میں 31 وکٹوں کی عمدہ پرفارمنس کی وجہ سے ٹیسٹ اسکواڈ میں جگہ بنائی ہے۔ پلیئنگ الیون میں کپتان شان مسعود، صائم ایوب، بابر اعظم، کامران غلام، محمد رضوان، سعود شکیل، سلمان علی آغا، عامر جمال، نسیم شاہ، خرم شہزاد اور محمد عباس شامل ہیں۔
