آسٹر یلیا ( مانیٹر نگ ڈیسک )باکسنگ ڈے ٹیسٹ کے پہلے دن ویرات کوہلی کی آسٹریلوی اوپنر سیم کونسٹاس کے ساتھ الجھنے اور چھیڑ چھاڑ کے بعد آسٹریلوی میڈیا نے کوہلی پر تنقید کی۔ بھارت کے اسٹار بیٹر ویراٹ کوہلی کے آسٹریلوی بیٹر کو کندھا مارنے کے معاملے پر آسٹریلوی میڈیا نے کوہلی کو مسخرہ قرار دے دیا۔آئی سی سی نے معاملے پر ایکشن لیتے ہوئے ویرات کوہلی کو میچ فیس کا 20 فیصد جرمانہ کیا اور انہیں ایک ڈی میرٹ پوائنٹ بھی دیا گیا۔ بھارتی میڈیا نے کوہلی کو مسخرہ قرار دینے کو ویرات کوہلی کی بے عزتی قرار دیا ہے۔
آسٹریلوی میڈیا ویرات کوہلی کو دی جانے والی سزا سے خوش نہیں تھا ، آسٹریلوی میڈیا نے کم ازکم ایک میچ کی معطلی کا مطالبہ کیا تھا اور ویرات کوہلی کے رویے پر انہیں بزدل اور رونے والا بچہ بھی قرار دیا۔دوسری جانب سابق آسٹریلوی کرکٹرز نے ویرات کوہلی کو دی جانے والی سزا کو سخت قرار نہیں دیا۔
