پنجاب یونیورسٹی میں لڑائی جھگڑے کے واقعات ،انتظامیہ کی بڑی کارروائی

لاہور (کھوج نیوز )پنجاب یونیورسٹی میں لڑائی جھگڑے کے بڑھتے ہوئے واقعات پر انتظامیہ نے ڈسپلن کی خلاف ورزی پر طلبا کے خلاف ایکشن شروع کردیاہے ۔ ڈسپلنری کمیٹی نے مختلف واقعات میں ملوث 9طلبا ء کو یونیورسٹی سے نکال دیا ہے ۔اس کے علاوہ کمیٹی نے 2طلبا کو ایک تعلیمی سال کیلئے برطرف بھی کردیا ہے ۔

ترجمان وائس چانسلر کا کہنا ہے کہ یونیورسٹی سے نکالے گئے 9طلباء یو نیورسٹی کے کسی پروگرام میں داخلہ نہیں لے سکیں گے اور ڈسپلنری کمیٹی کی طرف سے نکالے گئے 9طلبا میں محمد مزمل، ملک اسجد رحمان، حسن ارشد ، عمر خلیل، عمار امجد، منیب ریاض، عبدالرحمان خان، غضنفر علی اور محمد ہارون ارشد شامل ہیں ۔ کمیٹی نے شمس اللہ اور اکرام اللہ پر ایک تعلیمی سال کیلئے پابندی عائد کی ہے ۔

ترجمان وائس چانسلر کا کہنا ہے کہ پنجاب یونیورسٹی کا ماحول خراب کرنے والوں کی خلاف قانون کے مطابق کارروائی جاری رہے گی انھوں نے کہا کہ وائس چانسلر ڈاکٹر محمد علی کی ہدایت پر بغیر کسی دباؤ کے بلا امتیاز کارروائی کی گئی ہے اور دیگر کے خلاف کارروائی جاری ہے۔