حاملہ خاتون کو ایک دن میں کتناپانی پینا چاہیے ؟ماہرین نے بتا دیا

لاہور(کھوج نیوز )پانی انسان کے جسم کی اہم ضرورت ہے اور ماہرین کا کہنا ہے انسان کو عام روٹین میں ایک میں کم از کم 1.5لیٹر پانی پینا چاہیے۔ ماہرین کا کہنا ہے کہ مناسب ہائیڈریشن ایک صحت مند نظام انہضام کو برقرار رکھنے میں مدد کرتا ہے اور حمل کے عام مسائل جیسے قبض اور بواسیر کو روکتا ہے۔حمل کے دوران خواتین کے خون کی مقدار میں تقریبا 50 فیصد اضافہ ہو جاتا ہے، یہ اضافی خون پیدا کرنے کے لیے پانی انتہائی ضروری ہوتا ہے جو کہ بچے کو آکسیجن اور غذائیت فراہم کرنے میں مدد دیتا ہے۔ماہرین کے مطابق پانی کی کمی پیشاب کی نالی میں انفیکشن، قبل از وقت پیدائش سمیت دیگر سنگین پیچیدگیوں کا باعث بن سکتی ہے۔

ماہرین کا کہنا ہے کہ ہارمونل تبدیلیوں کی وجہ سے حاملہ خواتین کو معمول سے زیادہ گرمی محسوس ہو سکتی ہے تو ایسے میں اچھی ہائیڈریشن اور پانی جسم کے درجہ حرارت کو منظم کرنے میں مدد کرتا ہے اور زیادہ گرمی کو روکتا ہے۔

حمل کے دوران جسم کے کچھ حصوں پر سوجن معمول کی بات ہے، مناسب پانی کی مقدار ہونے کی وجہ سے ہاتھوں، پیروں اور ٹخنوں میں ضرورت سے زیادہ سوجن (ورم) کو کم کرنے میں مدد مل سکتی ہے۔

ماہرین کے مطابق عام طور پر حاملہ خواتین کو روزانہ کم از کم 96 اونس پانی پینا چاہیے جو تقربیا 2.8لیٹر بنتا ہے ۔تاہم یہ مقدار خواتین کے رہن سہن، طور طریقوں، موسم اور کام کی نوعیت کے مطابق بدل سکتی ہے۔