عوام کی آسانی کے لیے ایک اور پراجیکٹ کا افتتاح

لاہور (کھوج نیوز)وزیر ہاؤسنگ اینڈ اربن ڈویلپمنٹ بلال یاسین نے حلقہ پی پی 174 کا دور ہ کیا۔ صوبائی وزیر نے حلقے میں واٹر فلٹریشن پلانٹ کا افتتاح کیا۔وزیر ہاؤسنگ بلال یاسین نے اس مو قع پر کھلی کچہری میں عوام کے مسائل بھی سنے اور ان کو فوری طور پر حل کرنے کی ہدایت بھی کی۔اس کے علاوہ حکومت پنجاب کے رمضان نگہبان پیکج کیلئے مستحق افراد کی نشان دہی کے بارے میں ہدایات جاری کیں۔

اس موقع پر صوبائی وزیر ہاؤسنگ بلال یا سین کا کہنا تھا کہ ہمارا مشن، صرف اور صرف عوامی فلاح اور ملکی ترقی ہے۔انھوں نے کہا کہ وزیر اعلی پنجاب مریم نواز کی ایک سالہ کارکردگی کا کسی بھی صوبے سے موازنہ کرلیں۔ہر شعبہ زندگی میں جدت ، خوشحالی اور ترقی کی برق رفتاری کا پھر سے آغاز ہوا ہے۔ان کا کہنا تھا کہ روڑے اٹکانے، احتجاج ،گالی اور بدتمیزی کی سیاست ہمارا شیوہ نہیں ہے۔میاں محمد نواز شریف کی ٹیم وفاق اور پنجاب میں دن رات محنت کر رہی ہے۔بلال یاسین کا کہنا تھا کہ انشا اللہ ان 5 سالوں میں عوامی فلاح اور ترقی کے منصوبوں کے ریکارڈ بنائے جائیں گے۔