ریٹائرمنٹ کی افواہوں میں کتنی سچائی؟ فخر زمان سچ سامنے لے آئے

لاہور(سپورٹس ڈیسک) قومی کرکٹ ٹیم کے اوپننگ بلے باز فخر زمان نے اپنی ریٹائرمنٹ کے متعلق پھیلنے والی افواہوں پر خاموشی توڑتے ہوئے سچائی سامنے لے آئے ہیں ۔

تفصیلات کے مطابق قومی بیٹسمین فخر زمان کا کہنا تھا کہ میری ریٹائرمنٹ کی خبروں میں کوئی صداقت نہیں، جلد مکمل فٹ ہوکر ٹیم کو جوائن کروں گا، تھائیرائڈکی وجہ سے سوچا تھا کچھ وقفہ لے لوں، ایک ہفتے میں میری انجری میں کافی فرق پڑا ہے، ڈاکٹرز نے تین ہفتے بعد ٹریننگ کرنیکا مشورہ دیا ہے، ایک مہینے کے اندرکم بیک کروں گا۔

فخر زمان کا مزید کہنا تھا کہ میں بیٹر سے بولر زیادہ بہتر ہوں، میں شاداب خان کا فیورٹ بولر بھی ہوں، شاداب خان نے کہا تھا کہ میں جب کپتان ہوں گا تو آپ کے ون ڈے میں پانچ اور ٹی ٹوئنٹی میں سو اوور پکے ہیں، نیوزی لینڈ کے خلاف ہوم سیریز کے ایک میچ میں شاداب کپتان تھے لیکن وہ میچ ہو نہیں سکا تھا۔ فخر زمان کا کہنا تھا کہ چیمپئنز ٹرافی کیلییکافی پلاننگ کی تھی، ڈاکٹرز نے آرام کا کہا تھا اس کے باوجود ٹریننگ شروع کردی تھی، دوبارہ درد ایسے وقت شروع ہوگیا جب ٹیم کو میری ضرورت تھی، جب مجھیدرد ہوا تو اندازہ ہوگیا تھاکہ چیمپئنز ٹرافی میری ختم ہوگئی، مجھیاندازہ تھا کہ چیمپئنز ٹرافی میں ایک میچ بھی نکل جائے تو مشکل ہوجاتی ہے۔

ان کا کہنا تھا کہ میں ون ڈے، ٹی ٹوئنٹی اور ٹیسٹ تینوں فارمیٹ کھیلنا چاہتا ہوں، ریڈ بال کرکٹ پر میرا فوکس ہے لیکن کوچ کا نہیں، میں تو چاہتا ہوں ٹیسٹ کرکٹ کھیلوں لیکن کوچ کپتان کی اپنی پلاننگ ہوتی ہے، میں سمجھتا ہوں مجھ سے اچھے کھلاڑی ٹیسٹ کرکٹ میں موجود ہیں۔فخر زمان نے کہا کہ میرا فیورٹ نمبر تو اوپن ہے لیکن جہاں ٹیم کو ضرورت ہو کھیلوں گا، چیمپئنز ٹرافی میں نیوزی لینڈ کے خلاف اوپن کرتا تو فرق پڑتا، نیوزی لینڈ کیخلاف میچ میں اوپن کرنا چاہتا تھا، امپائرز نیکہا کہ قوانین ایسے ہیں ہم کچھ نہیں کرسکتے، مجھے درد تھا پھر بھی فیلڈنگ کی کہ شائد اوپن کا موقع مل جائے۔