دنیا کے سب سے معمر ترین کرکٹر انتقال کر گئے

جنوبی افریقہ (سپورٹس ڈیسک) دنیا کے سب سے معمر سابق ٹیسٹ کرکٹر کے انتقال نے پوری دنیا سوگوار میں ڈوب گئی ہے ، ان کی عمر کتنی ہے ؟ اس حوالے سے تمام ترتفصیلات سامنے آگئیں۔

انٹرنیشنل میڈیا کے مطابق دنیا کے سب سے معمر سابق ٹیسٹ کرکٹر رون ڈریپر 98 سال اور 63 دن کی عمر میں جنوبی افریقا میں انتقال کر گئے۔ رون ڈریپر کا انتقال منگل کے روز گیکیبرہا کے ایک ریٹائرمنٹ ہوم میں ہوا، ان کے اہل خانہ نے آج ان کے انتقال کی تصدیق کی۔ میڈیا کے مطابق رون ڈریپر ایک ٹاپ آرڈر بلے باز اور جز وقتی وکٹ کیپر تھے، انہوں نے 1950 میں آسٹریلیا کے خلاف جنوبی افریقا کی جانب سے 2 ٹیسٹ میچز کھیلے تھے۔ ان کے انتقال کے بعد آسٹریلیا کے نیل ہاروی اب 96 سال کی عمر کے ساتھ سب سے معمر ٹیسٹ کرکٹر بن گئے ہیں جو بقید حیات ہیں۔

رون ڈریپر 24 دسمبر 1926 کو پیدا ہوئے اور انہوں نے اپنی فرسٹ کلاس کرکٹ میں ایسٹرن پروونس کی جانب سے اورنج فری اسٹیٹ کے خلاف اپنے 19ویں یوم پیدائش پر سنچری اسکور کی۔ 1949ء میں آسٹریلیا کے خلاف ایسٹرن پروونس کی نمائندگی کرتے ہوئے 86 رنز بنانے پر انہیں آسٹریلیا کے خلاف ٹیسٹ سیریز کے آخری دو ٹیسٹ میچوں کے لیے منتخب کیا گیا تاہم 3 اننگز میں وہ صرف 25 رنز ہی بنا سکے۔ ڈریپر نے 60-1959 تک فرسٹ کلاس کرکٹ جاری رکھی اور 41.64 کی اوسط کے ساتھ اپنا کریئر مکمل کیا۔ 53-1952 کے سیزن میں انہوں نے مسلسل 2 میچوں میں لنچ سے قبل سنچریاں اسکور کیں۔