گوگل نے صارفین کیلئے بری خبر سنا دی مگر کیا؟

برطانیہ (مانیٹرنگ ڈیسک) گوگل نے صارفین کے لئے بری خبر سنا دی ہے مگر کیا؟ اس حوالے سے تمام تر تفصیلات منظر عام پرآنے کے بعد صارفین ہکا بکا رہ گئے ہیں۔

انٹرنیشنل میڈیا کے مطابق اس حوالے سے کام ابھی جاری ہے اور اب گوگل کی جانب سے اعلان کیا گیا ہے کہ 18 مئی تک تمام صارفین کا ٹائم لائن ڈیٹا ڈیلیٹ کر دیا جائے گا۔ گوگل کی جانب سے تصدیق کی گئی ہے کہ اگر صارفین نے ٹائم لائن ڈیٹا کو تحفظ فراہم کرنا ہے تو نئی سیٹنگز کا انتخاب کرنا ہوگا۔ کمپنی کے مطابق سیٹنگز کی تبدیلی 18 مئی سے قبل کرنا ہوگی۔ اس سے قبل گوگل کی جانب سے صارفین کے ڈیٹا کو کلاڈ سرورز پر محفوط کیا جاتا تھا مگر صارفین کی پرائیویسی کو بہتر بنانے کے لیے اسے ڈیوائسز میں محفوظ کرنے کا فیصلہ کیا گیا۔

یور ٹائم لائن جسے پہلے لوکیشن ہسٹری کہا جاتا تھا، فون تک محدود ہوگی اور آپ کے ذاتی فون سے ہٹ کر دیگر ڈیوائسز میں اسے استعمال نہیں کیا جاسکے گا۔ اس کا ویب ورژن بھی دستیاب نہیں ہوگا، البتہ آپ اس کا بیک اپ تیار کرسکتے ہیں یا ڈیوائس ٹرانسفر سسٹم کو استعمال کرسکتے ہیں۔ 18 مئی کے بعد کلاڈ سرورز پر موجود محفوظ گوگل میپس کی تمام لوکیشن ہسٹری کو ڈیلیٹ کر دیا جائے گا جبکہ ڈیوائس پر محفوظ 3 ماہ سے زیادہ پرانا ڈیٹا بھی ڈیلیٹ کر دیا جائے گا اگر آپ ماضی کے دوروں یا پسندیدہ یادوں کے لیے گوگل میپس کے ٹائم لائن فیچر پر انحصار کرتے ہیں تو پھر آپ کو اس ڈیٹا کو محفوظ رکھنے کے لیے اقدام کرنا ہوگا۔ یعنی انہیں 18 مئی تک 3 ماہ سے زائد پرانے لوکیشن ہسٹری ڈیٹا کو ڈان لوڈ کرکے محفوظ کرنا ہوگا۔