راہول ڈریوڈ کو بیساکھیوں کا سہارا کیوں لینا پڑا؟

ممبئی (سپورٹس ڈیسک) بھارت کرکٹ ٹیم کے سابق کپتان راہول ڈریوڈ کو بیساکھیوں کا سہارا کیوں لینا پڑا؟ اس حوالے سے تمام تر تفصیلات سامنے آنے کے بعد مداح حیران رہ گئے۔

انٹرنیشنل میڈیا کے مطابق راہول ڈریوڈ چند روز قبل کرکٹ کھیلنے کے دوران انجرڈ ہوئے تھے جس کے بعد انہیں بیساکھیوں کے سہارے چلنا پڑا، تاہم اب راہول ڈریوڈ کی صحت میں بہتری آرہی ہے۔ راہول ڈریوڈ آئی پی ایل فرنچائز راجستھان رائلز کے ہیڈ کوچ بھی ہیں اور انہوں نے انجری کے باوجود ٹیم کا پری سیزن کیمپ جوائن کیا۔

اپنی انجری کے باوجود راہول ڈریوڈ نے کیمپ میں بھرپور حصہ لیا، انہوں نے کھلاڑیوں کی پریکٹس کا بغور مشاہدہ کیا اور نوآموز کھلاڑیوں کو کچھ مشورے بھی دیے۔ راجستھان رائلز نے سوشل میڈیا پر راہول ڈریوڈ کی ویڈیو بھی شیئر کی ہے کہ جس میں انہیں بیساکھیوں کے سہارے کیمپ میں آتے دیکھا جاسکتا ہے۔