کھیل
ایشین سکس ریڈ چیمپئن شپ:پاکستانی کھلاڑیوں کی شاندارپرفارمنس
ایشین سکس ریڈ اسنوکر چیمپئن شپ میں پاکستان کے دفاعی چیمپئن اویس منیر نے شاندار پرفارمنس کا مظاہرہ کیا ہے
لاہور(سپورٹس ڈیسک)ایشین سکس ریڈ چیمپئن شپ:پاکستانی کھلاڑیوں کی شاندارپرفارمنس،رپورٹ کے مطابق ایشین سکس ریڈ اسنوکر چیمپئن شپ میں پاکستان کے دفاعی چیمپئن اویس منیر نے شاندار پرفارمنس کا مظاہرہ کیا ہے۔ایونٹ کے افتتاحی روز پاکستانی کیوسٹس نے شاندار کارکردگی دکھائی، اویس منیر نے پہلے روز اپنے 2 میچز جیت لیے۔
اویس منیر نے پہلے میچ میں مکاو کے چی کن چین کو شکست دی جبکہ دوسرے مقابلے میں بنگلادیش کے ضیا الرحمن کو مات دی۔دوسری طرف عالمی امیچر چیمپئن پاکستان کے محمد آصف نے کمبوڈیا کے نینگ تولہ کو جبکہ محمد سجاد نے بحرین کے خلیل یوسف کو 4-0 سے شکست دی۔
