کولمبو (سپورٹس ڈیسک) اے ٹی ایف انڈر 12 انٹرکونٹینینٹل چیمپئن شپ میں پاکستان سنسنی خیز مقابلے کے بعد پانچویں سے آٹھویں پوزیشن کے پلے آف میں کولمبیا کو عبرتناک شکست دیدی۔
تفصیلات کے مطابق اے ٹی ایف انڈر 12 انٹرکونٹینینٹل چیمپئن شپ میں پاکستان نے سنسنی خیز مقابلے کے بعد ساتھ امریکا کی نمائندہ ٹیم کولمبیا کو 1-2 سے ہرایا۔ پہلے سنگل میں سمیعل گارشیا نے راشد علی کو 2-6 ، 7-6 اور 4-10 سے شکست دی۔ محمد شایان نے پالو ایگڈیلو کو اگلے سنگلز میں شکست دے کر مقابلہ برابر کیا۔ شایان کی کامیابی کا اسکور 2-6 ، 7-5 اور 8-10 رہا۔ ڈبلز میں شایان اور راشد کی جوڑی نے 4-6 اور 4-6 سے کامیابی حاصل کی۔ پانچویں پوزیشن کے میچ کیلئے پاکستان کل چائنیز تائپے سے مقابلہ کرے گا۔ پاکستان کو گزشتہ روز کوارٹر فائنل میں آسٹریلیا نے 0-2 سے ہرایا تھا۔
