ٹی 20 ورلڈ کپ’ امریکا کی سری لنکا کو مات، یو ایس قونصل کی مبارکباد

کراچی (سپورٹس ڈیسک) نیشنل بینک اسٹیڈیم کراچی میں امریکااور سری لنکا کے درمیان 40سال سے زائد عمر کے کرکٹرز کے ٹی 20 ورلڈ کپ میچ میں سری لنکا کو شکست پر یو ایس قونصل کی فتح پر امریکن ٹیم کو مبارکباد۔
تفصیلات کے مطابق انٹرنیشنل ماسٹرز کرکٹ اوور 40 ٹی 20 ورلڈ کپ میں 12 بین الاقوامی ٹیمیں شامل ہیں،21 نومبر سے شروع ہونے والا ٹورنامنٹ یکم دسمبر تک کراچی کے 5 مختلف مقامات پر مجموعی طور پر 42 میچز پر مشتمل ہے۔ امریکا اور سری لنکا کے درمیان ہونے والے میچ میں یو ایس اے کی ٹیم فاتح رہی جبکہ میچ میں سندھ بھر سے انگلش ایکسس پروگرام کے500 سے زائد طلبہ لطف اندوز ہوئے۔
قونص جنرل گڈمن کے مطابق اس قسم کے کھیل نہ صرف تعلقات کو فروغ دیتے ہیں بلکہ لوگوں کو ایک دوسرے کے قریب لانے کا باعث بنتے ہیں،کھیلوں میں سرحدوں، ثقافتوں اور قوموں کو جوڑنے کی صلاحیت ہے، پاکستان میں امریکی مشن نوجوانوں کو جوڑنے اور باہمی شراکت داری کو مضبوط کرنے والی سرگرمیوں کی بھرپور حمایت کرتا ہے، جس کی ایک مثال آج کراچی میں منعقدہ یو ایس اے اور سری لنکا کرکٹ میچ بھی ہے۔ قونصل جنرل گڈمن نے اسٹیڈیم کے کمنٹری باکس سے براہِ راست تبصرہ بھی کیا بعد ازاں ٹیم یو ایس اے کی کامیابی کے بعدکھلاڑیوں کو مبارکباد دی، ٹرافیاں تقسیم کیں، ساتھ ہی سری لنکن ٹیم کی کارکردگی کو بھی سراہا۔



