پاکستان کا محمد علی اور مائیک ٹائسن جیسا چیمپئن کون بنے گا؟ عامر خان کا بڑا دعویٰ

لاہور(سپورٹس ڈیسک) پاکستان کا مایہ ناز باکسر محمد علی اور مائیک ٹائسن جیسا چیمپئن کون بنے گا؟ اس حوالے سے پاکستانی نژاد برطانوی باکسر عامر خان نے بڑا دعویٰ کر دیا ہے۔

تفصیلات کے مطابق پاکستانی نژاد برطانوی باکسر عامر خان کا کہنا ہے کہ باکسنگ میں پاکستان کا مستقبل روشن ہے، ایک دن پاکستان کا بھی محمدعلی اور مائیک ٹائسن جیسا چیمپئن آئے گا۔ ان کا کہنا تھا لاہور آکر اچھا لگا، یہاں15 ممالک کے باکسرز نے اس ایونٹ میں شرکت کی، یہاں کے فینز اور سیکیورٹی سب بہترین تھا۔ سابق ورلڈ چیمپئن کا کہنا تھا پاکستان میں انتہائی ٹیلنٹڈ باکسرز ہیں، باکسنگ میں پاکستان کا مستقبل روشن ہے، ایک دن پاکستان کا بھی محمد علی اور مائیک ٹائسن جیسا چیمپئن آئیگا۔ عامر خان کا کہنا تھا اس چیمپئن شپ سے پاکستان میں کھیلوں کو فروغ ملے گا، میزبانی شاندار تھی، اس ایونٹ سے پاکستان کو ٹورزام میں مدد ملے گی۔ عامر خان کا کہنا تھا یہاں ہم نے جو مقابلے دیکھے وہ شاندار تھے، پاکستان آرمی کا بیحد شکر گزار ہوں کہ اتنا اچھا ایونٹ منعقد کیا، پاکستان آرمی نے تمام غیر ملکی باکسرز اور مہمانوں کو بہترین سکیورٹی فراہم کی۔