ممبئی (سپورٹس ڈیسک) بھارتی کرکٹ ٹیم کے سٹار آل رائونڈ ہاردک پانڈیا کو سیلفی نہ لینے پر مداح نے کرارا جواب دیا جس کے بعد آل رائونڈر کا تاحال کوئی ردعمل نہیں آیا ہے۔
انٹرنیشنل میڈیا رپورٹس کے مطابق گزشتہ روز کرسمس تقریب میں شرکت کے بعد ہاردک پانڈیا اپنی گرل فرینڈ ماہیکا شرما کا ہاتھ تھامے ایک ریسٹورینٹ سے نکل رہے تھے جس دوران مداحوں نے انھیں گھیر لیا۔ پہلے تو ہاردک پانڈیا نے ماہیکا کو گاڑی میں بٹھایا اور پھر مداحوں کے درمیان سیلفی کیلئے جا پہنچے اور کئی مداحوں کے ساتھ سیلفی بھی لی۔ اسی دوران ایک مداح سیلفی کیلئے ہاردک پانڈیا کو بار بار پکارتا رہا جس پر ہاردک نے جواب دیا کہ لے تو لی اور کتنی لوگے؟ اس کے بعد ہاردک واپسی کیلئے مڑے جس پر مداح نے انھیں فورا کہا کہ بھاڑ میں جا، تاہم مداح کی اس حرکت پر ہاردک پانڈیا کوئی بھی ردعمل دیے بغیر آگے بڑھ گئے۔
