بنگلا دیش(سپورٹس ڈیسک) ٹی ٹوئنٹی ورلڈ کپ میں شرکت کے حوالے سے بھارت نہ جانے کے معاملے پر بنگلا دیش کی تاحال ڈیڈلاک برقرار ہے جبکہ اس معاملے پر غور کیا جا رہا ہے۔
انٹرنیشنل میڈیا کے مطابق وینیو کے حوالے سے آئی سی سی اور بنگلا دیش کرکٹ بورڈ کے درمیان ویڈیو کانفرنس بے نتیجہ رہی اور بنگلا دیش ایک بار پھر اپنے میچز بھارت سے منتقل کرنے کے مؤقف پر ڈٹا رہا۔ آئی سی سی کاکہنا ہے کہ ٹورنامنٹ کا شیڈول پہلے ہی طے ہو چکا ہے جس پر بی سی بی کا کہنا تھا کہ دونوں فریقین نے ممکنہ حل کی تلاش کیلئے بات چیت جاری رکھنے پراتفاق کیا۔ بی سی بی کے مطابق بنگلادیش کرکٹ بورڈ کے مؤقف اور فیصلے میں کوئی تبدیلی نہیں، آئی سی سی نے بی سی بی سے اپنے مؤقف پرنظرثانی کرنے کی درخواست کی ہے۔ بی سی بی کے مطابق کھلاڑیوں،آفیشلز ،اسٹاف کی حفاظت کیلئے آئی سی سی سے تعمیری رابطے کی کمٹمنٹ پرقائم ہیں۔
