اسلام آباد(کھوج نیوز) ابو ظہبی میں پاکستانی سفارتخانے کی پاسپورٹ سروس عارضی طور پر معطل ہونے کے بعد شہری پریشان ہو گئے ہیں جس کے بعد شہریوں کو آن لائن درخواست دینے کی ہدایت کی گئی۔
تفصیلات کے مطابق سفارتخانے کی جانب سے بتایا گیا ہے کہ پاسپورٹ سروس عارضی طور پر معطل کی گئی ہے۔ سفارت خانے کے مطابق تکنیکی خرابی کے باعث پاسپورٹ پراسیسنگ روک دی گئی ہے۔ سفارتخانے نے ابوظہبی میں بسے پاکستانی شہریوں کو پاسپورٹ کیلئے آن لائن درخواست دینے کی ہدایت کی ہے۔
