اسلام آباد(کھوج نیوز) دریائے چناب میں پانی کی آمد میں بڑی کمی آنے پر پاکستان نے بھارت سے جواب طلب کرلیا ہے کیونکہ بھارت کی جانب سے سندھ طاس معاہدے کی خلاف ورزی کی جا رہی ہے۔
تفصیلات کے مطابق ذرائع وزارت آبی وسائل نے بتایا ہے کہ مرالہ کے مقام پرچناب میں پانی کی کمی سندھ طاس معاہدے کی شقوں سے مطابقت نہیں رکھتی۔ وزارت آبی وسائل کا کہنا ہے کہ بھارت کی طرف سے سندھ طاس معاہدے کی خلاف ورزی کی گئی۔ ذرائع کے مطابق پاکستانی انڈس واٹر کمشنر نے اس معاملے پر بھارتی ہم منصب سے تفصیلات طلب کرلی ہیں۔
