کراچی (کھوج نیوز) شہر قائد کے تاجر میر رضا کی موت کیسے ہوئی؟ اس حوالے سے تحقیقاتی ٹیم کو قبر کشائی کے بعد دوسری پوسٹ مارٹم رپورٹ موصول ہوئی جس میں حیران انکشاف کر ڈالا گیا۔
تفصیلات کے مطابق ترجمان سندھ پولیس نے بتایا کہ تحقیقات میں پیش رفت اور مفاد عامہ کے تقاضوں کو مد نظر رکھتے ہوئے رپورٹ کو عوام کے سامنے پیش کیا جارہا ہے۔ ترجمان کے مطابق تحقیقاتی ٹیم رپورٹ کا جائزہ لے رہی ہے اور اس کی روشنی میں تحقیقات آگے بڑھائے گی۔ حتمی پوسٹ مارٹم رپورٹ کے مطابق میر رضا کی موت گولی لگنے سے ہوئی، ملنے والے تمام تر شواہد خودکشی سے مطابقت نہیں رکھتے، قبر کشائی کے بعد کیمیکل تجزیے، فارنزک رپورٹس اور دیگر شواہد کی بنیاد پر رپورٹ مرتب کی گئی۔
