اداکارہ یمنی زیدی ابھی تک سنگل کیوں؟ دلچسپ وجہ سامنے آگئی

ڈلاس(شوبز ڈیسک) اداکارہ یمنی زیدی نے ابھی تک شادی کیوں نہیں کی؟ اس حوالے سے دلچسپ وجہ سامنے آگئی جس کے سوشل میڈیا صارفین نے مختلف تبصرے بھی کیے ہیں۔

تفصیلات کے مطابق اداکارہ یمنی زیدی اور اداکار وہاج علی ان دنوں امریکی شہر ڈلاس میں موجود ہیں جہاں ایک تقریب کے دوران یمنی سے ان کے مداحوں نے سنگل رہنے کی وجہ پوچھی۔ اداکارہ نے جواب دیا کہ میں ایک مشکل قسم کی انسان ہوں اور اسی وجہ سے میں سنگل ہوں۔ یمنی زیدی نے بتایا کہ مجھے نہیں پتا کیوں لیکن یہ ایک عجیب سی وجہ ہے لیکن میں سنگل رہ کر خوش ہوں۔ واضح رہے کہ اداکارہ نے تھکن، خوشی ایک روگ، میری دلاری، دل محلے کی حویلی، رشتے کچھ ادھورے سے، موسم، گزارش اور دیگر کامیاب ڈراموں میں کام کیا ہے۔