ابھیشک سے شادی یا فلم ہتھیانا؟رانی مکھرجی اور ایشوریا رائے کی دوستی کیسے ٹوٹی؟
اب ایشوریا کی ابھیشک کے رشتہ میں دراڑ آ چکی اور رانی کی ازدواجی زندگی اودھے چوپڑا کے ساتھ مزے سے گزر رہی ہے
لاہور(شوبزڈیسک) ماضی میں بالی ووڈ کو سپر ہٹ فلمیں دینے والی مقبول اداکارائیں رانی مکھرجی اور ایشوریا رائے بچن کی گہری دوستی ٹوٹنے کی حیران کن وجہ سامنے آگئی ہے۔بھارتی میڈیا کے مطابق ماضی میں رانی مکھرجی اور ایشوریا رائے کے درمیان بہت اچھی دوستی قائم تھی لیکن پھر دبنگ اسٹار سلمان خان کے غصے کی وجہ سے ان دو اداکاراں کی دوستی کا گہرا رشتہ ٹوٹ گیا تھا۔ایک وجہ تو یہ تھی کہ ابھیشک کی کرشمہ کپور سے منگنی ٹوٹنے کے بعد 200ء میںرانی مکھرجی کی ابھیشک سے شادی کی بات چلی تو ایشوریا رائے کی اچانک انٹری نے منظر بدل دیا تھا مگر پھر بھی بول چال رہی اور رانی کھچی کھچی رہیں اور دوسری وجہ اس کے بعد 2003میں سامنے آئی ۔
رپورٹ میں بتایا گیا کہ سال 2003 میں ریلیز ہونے والی فلم” چلتے چلتے” میں شاہ رخ خان کے ساتھ ایشوریا رائے کو کاسٹ کرنا تھا لیکن پھر ان کی جگہ رانی مکھرجی نے کٹ لگایا اور اپنی انٹری کروائی ۔رانی مکھرجی کو کاسٹ کرنے کی وجہ یہ بھی بتائی جاتی ہے کہ اس وقت ایشوریا رائے کے سابق بوائے فرینڈ سلمان خان نے فلم ”چلتے چلتے کے سیٹ پر ہنگامہ کردیا تھا جس کی وجہ سے فلم کے پروڈویوسر اور ہیرو شاہ رخ خان نے ایشوریا کی جگہ رانی مکھرجی کو کاسٹ کرنے کا فیصلہ کیا تھا۔ مگر حقیقت میں رانی مکھر جی نے ”سفارش ”لڑائی تھی اور ایشوریا کو کک آئوٹ کیا تھا۔یوں جو دوستی تین برس پہلے ختم ہو جانا تھی اس کے تابوت میں کیل فلم ” چلتے چلتے بنی تھی ۔
اس حوالے سے رانی مکھرجی نے فلمساز کرن جوہر کے شو کافی وِد کرن میں بات کرتے ہوئے کہا تھا کہ مجھے ایشوریا کے ساتھ کوئی ”مسئلہ” نہیں ہے، شاید انہیں ہی مجھ سے کوئی مسئلہ ہے کیونکہ انہوں نے خود مجھ سے فون پر بات کرنا چھوڑ دی تھی۔رانی مکھرجی کا کہنا تھا کہ میں ایشوریا سے کسی تقریب میں نہیں ملی لیکن مجھے لگتا ہے کہ اگر کبھی ہمارا آمنا سامنا ہوا تو ہمارے درمیان سب ٹھیک ہوجائے گا اور ہم ایک دوسرے سے بات کریں گے۔ یاد رہے اب ایشوریا کی ازدواجی لائف میں ابھیشک کے ساتھ دراڑ آ چکی ہے جب کہ رانی مکھرجی یش راج فلمز کے اونر اودھے چوپڑا سے شادی کرکے زندگی کے مزے لوٹ رہی ہیں۔
