عالمی شہرت یافتہ بھارتی طبلہ نواز ذاکر حسین انتقال کر گئے

امریکہ (شوبز ڈیسک) عالمی شہرت یافتہ بھارتی طبلہ نواز ذاکر حسین انتقال کرگئے’ وہ امریکا کے شہر سان فرانسسکو کے اسپتال میں دل کے عارضے کے باعث انتہائی نگہداشت کے وارڈ میں زیر علاج تھے جہاں وہ انتقال کرگئے۔

انٹرنیشنل میڈیا کے مطابق لیجنڈ طبلہ نواز ذاکر حسین نے 73 برس عمر پائی، وہ لیجنڈ طبلہ نواز استاد اللہ رکھا کے بیٹے تھے۔ بھارتی حکومت نے استاد ذاکر حسین کی فن کیلئے خدمات کے اعتراف پر 1988 میں پدما شری، 2002 میں پدما بھوشن اور 2023 میں بھارت کے دوسرے بڑے سول اعزاز پدما وی بھوشن سے نوازا۔ اس کے علاوہ انہوں نے کئی عالمی ایوارڈز بھی حاصل کیے جن میں 5 گریمی ایوارڈز بھی شامل ہیں اور ان میں سے 3 گریمی ایوارڈز رواں سال انہیں دیے گئے۔