ایل پی جی کی نئی قیمت کیا ہوگی؟ حکومت کا نئے سال کے موقع پر بڑا اعلان

اسلام آباد (کھوج نیوز) مائع پیٹرولیم گیس (ایل پی جی ) کی نئی قیمت کیا ہوگی؟ اس حوالے سے حکومت کا نئے سال کے موقع پر بڑا اعلان سامنے آگیا ہے جس کے بعد عوام میں خوشی کی لہر دوڑ گئی ہے۔

تفصیلات کے مطابق آئل اینڈ گیس ریگولیٹری اتھارٹی (اوگرا) نے یکم جنوری 2025ء سے ایل پی جی کی نئی قیمتوں کا نوٹیفکیشن جاری کردیا۔ نوٹیفکیشن کے مطابق فی کلو ایل پی جی 4 روپے 2 پیسے سستی کی گئی ہے جس کے بعد نئی قیمت 250 روپے 28 پیسے ہوگی۔ نوٹیفکیشن میں کہا گیا ہے کہ ایل پی جی کا 11.8 کلوگرام کا گھریلو سلنڈر 47 روپے 43 پیسے سستا ہوگیا اور ایل پی جی کے گھریلو سلنڈر کی قیمت جنوری کے لئے 2953روپے 36 پیسے مقرر کی گئی ہے۔