عامر خان پیسہ کیسے کماتے ہیں؟ بڑے راز سے پردہ اٹھ گیا
میں اپنے معاوضے کا بوجھ فلم کے بجٹ پر نہیں ڈالتا، میری فلمیں 10 سے 20 کروڑ روپے میں بن سکتی ہیں اور اس سے زیادہ رقم یہ فلمیں کماتی ہیں: عامر خان
ممبئی (شوبز ڈیسک) بالی ووڈ کے مسٹر پرفیکٹ عامر خان پیسہ کیسے کماتے ہیں؟ اس حوالے سے بڑے راز سے پردہ اٹھ گیا ہے جس کے بعد شوبز انڈسٹری سمیت پورے بھارت میں ہلچل مچ گئی ہے۔
انٹرنیشنل میڈیا کے مطابق عامر خان کا کہنا تھا کہ فلم تارے زمین پر بناتے وقت کئی آوازیں اٹھی تھیں اور سوال کیا جارہا تھا کہ ناظرین ڈسلیکسیا پر فلم کیوں دیکھیں گے؟ لیکن میں یہ فلم بنانا چاہتا تھا کیوں کہ یہ آئیڈیا مجھے بہت پسند آیا تھا۔ انہوں نے کہا کہ جو چیز خاص ہے وہ یہ کہ میں اپنے معاوضے کا بوجھ فلم کے بجٹ پر نہیں ڈالتا، میری فلمیں 10 سے 20 کروڑ روپے میں بن سکتی ہیں اور اس سے زیادہ رقم یہ فلمیں کماتی ہیں۔
عامر خان نے مزید کہا کہ پرافٹ شیئر ماڈل کے تحت پیسہ کماتا ہوں جو کہ فنکاروں کا پیسہ کمانے کا تقریبا پرانا طریقہ ہے جس میں وہ سڑکوں پر پرفارم کرتے اور الٹی ٹوپی کے ساتھ گھوم کر تماشائیوں سے پیسے وصول کرتے، اگر تماشائی فنکار کی پرفارمنس پسند کرتے ہیں تو اپنی خوشی سے فنکار کو پیسے ادا کرتے تھے اور اگرنہیں پسند کرتے تو پیسے دیے بنا چلے جاتے تھے، اسی طرح، اگر میری فلم چلتی ہے تو میں کماتا ہوں اور اگر فلم نہیں چلتی ہے تو میں نہیں کماتا، میں20 سال سے اس ماڈل کو فولو کررہاہوں اور اپنی فلم کیلئے کوئی تنخواہ نہیں لیتا۔
