مصطفی عامر قتل کیس، اداکار ساجد حسن نے اپنے بیٹے کے متعلق بڑا بیان داغ دیا

کراچی (شوبز ڈیسک) مصطفی عامر قتل کیس کی تحقیقات کے دوران اداکار ساجد حسن نے منشیات کیس میں گرفتار اپنے بیٹے ساحر حسن کے متعلق بڑا بیان داغ دیا ہے جو ایک نئی ہلچل ہے۔

تفصیلات کے مطابق اداکار ساجد حسن کا کہنا تھا کہ ان کے بیٹے ساحر کے خلاف جھوٹا مقدمہ بنایا گیا ہے۔ انہوں نے دعویٰ کیا کہ ساحر سے کسی قسم کی منشیات برآمد نہیں ہوئیں، اسے مصطفی عامر قتل کیس سے توجہ ہٹانے کے لیے پھنسایا جارہا ہے، شفاف اور غیرجانبدارانہ تحقیقات کی جائیں۔ اداکار ساجد حسن نے دعویٰ کیا ہے کہ پولیس کو ان کے بیٹے ساحر حسن کے خلاف کوئی ثبوت نہیں ملا، نہ ہی ساحر حسن سے کسی قسم کی منشیات برآمد ہوئیں، اس کے باوجود ایف آئی آر درج کی گئی جب کہ وارنٹ کے بغیر گرفتار کرلیا گیا جو غیرقانونی ہے۔

انہوں نے کہا کہ پولیس نے غیرقانونی چھاپہ مارا، ویڈیو ریکارڈنگ کا قانون بھی نظر انداز کیا، ان کے بیٹے کو مصطفی عامر قتل کیس سے توجہ ہٹانے کے لیے پھنسایا جارہا ہے۔ ساجد حسن نے کہا کہ ان کے بیٹے کو قربانی کا بکرا نہ بنایا جائے، انہوں نے شفاف اور غیرجانبدارانہ تحقیقات کا مطالبہ کرتے ہوئے کہا کہ عدلیہ پر مکمل بھروسہ ہے، عدالت انصاف کریگی۔ ساجد حسن کا کہنا تھا کہ پولیس کے الزامات بے بنیاد اور من گھڑت ہیں، ساحر حسن کے خلاف خلاف جھوٹا مقدمہ بنایا گیا ہے۔