پاک فوج کی کارروائی، دہشتگردوں کا بڑا حملہ ناکام بنا دیا

جنوبی وزیر ستان (کھوج نیوز) پاک فوج نے بڑی کارروائی کرتے ہوئے جنوبی وزیر ستان کے شہر جنڈولہ میں کارروائی کرتے ہوئے دہشتگردوں کا بڑا حملہ ناکام بنا دیا ہے ۔

تفصیلات کے مطابق سکیورٹی ذرائع نے بتایا ہے کہ پاک فوج کی پوسٹ پر خارجیوں نے حملہ کیا جسے فورسز نے ناکام بنادیا۔ ذرائع کا بتانا ہے کہ حملے کے دوران ایک خودکش حملہ آور نے گاڑی میں بیٹھ کر ایف سی کیمپ کے قریب خود کو اڑایا۔ سکیورٹی ذرائع کے مطابق پاک فوج کے جوانوں نے خوارج کا حملہ ناکام بناتے ہوئے 8 سے 9 دہشت گردوں کو ہلاک کردیا۔

وفاقی وزیر داخلہ محسن نقوی نے جنڈولہ میں چیک پوسٹ پر دہشت گردوں کا حملہ ناکام بنانے پر سکیورٹی فورسز کو خراج تحسین پیش کیا ہے۔ وزیر داخلہ نے کہا کہ بہادر سکیورٹی فورسز نے بروقت کارروائی کرکے 10 خوارجی دہشت گردوں کو ہلاک کیا، خوارجی دہشت گردوں کا حملہ ناکام بنانے پر سکیورٹی فورسز کو سلام پیش کرتے ہیں۔ محسن نقوی نے کہا کہ قوم کو سکیورٹی فورسز کی پیشہ وارانہ صلاحیتوں پر ناز ہے، قوم خوارجی دہشت گردوں کے خاتمے کے لیے سکیورٹی فورسز کے شانہ بشانہ کھڑی ہے۔