ایل پی جی کی قیمت میں کتنا اضافہ ہوا؟

اسلام آباد(کھوج نیوز) آئل اینڈ گیس ریگولیٹری اتھارٹی (اوگرا) نے مائع پیٹرولیم گیس (ایل پی جی) کی قیمت میں کتنا اضافہ کر دیا؟ اس حوالے سے تمام تر تفصیلات سامنے آگئی ہیں۔

تفصیلات کے مطابق اوگرا کی جانب سے جاری نوٹیفکیشن میں بتایا گیا ہے کہ ایل پی جی 54 پیسے فی کلو مہنگی کردی گئی ہے۔ اوگرا کی طرف سے فی کلو ایل پی جی کی نئی قیمت 248 روپے37 پیسے مقررکرنے کا نوٹیفکیشن جاری کیا گیا ہے۔ 11.8 کلوگرام کا ایل پی جی کا گھریلو سلنڈر 6 روپے 40 پیسے مہنگا کردیاگیا ہے۔ ایل پی جی کے11.8 کلوگرام کے گھریلو سلنڈر کی نئی قیمت 2930 روپے 71 پیسے مقرر کی گئی ہے۔