پولیس سے مزاحمت اورکارسرکار میں مداخلت ،عالیہ حمزہ کو جیل ہوگئی

راولپنڈی(کھوج نیوز) پولیس سے مزاحمت اور کار سرکار میں مداخلت ،عالیہ حمزہ کو جیل ہو گئی
پی ٹی آئی پنجاب کی چیف آرگنائزر عالیہ حمزہ کو جوڈیشل ریمانڈ پر جیل بھیجنے کا حکم دے دیا گیا۔راولپنڈی ڈسٹرکٹ کورٹ کو عالیہ حمزہ سمیت 5 کارکنان کے خلاف درج مقدمے کی سماعت ہوئی۔ عدالت نے فریقین کے دلائل کے بعد محفوظ فیصلہ سنایا۔عدالت نے نعمان اور عادل منیر کو بھی جوڈیشل ریمانڈ پر جیل بھیجنے کا حکم دیا۔

راولپنڈی پولیس نے تحریک انصاف کی رہنما عالیہ حمزہ اور دیگر کارکنان کو حراست میں لیا تھا۔عالیہ حمزہ سمیت 5 پی ٹی آئی کے کارکنان کے خلاف تھانہ ایئر پورٹ میں مقدمہ درج کیا گیا ہے جس میں کارِ سرکار میں مداخلت اور پولیس سے مزاحمت کا الزام ہے۔