بگ بیش لیگ:بابراعظم کا معاہدہ کس فرنچائز کے ساتھ ہوا؟پکی خبر آگئی

لاہور(سپورٹس ڈیسک)بگ بیش لیگ:بابراعظم کا معاہدہ کس فرنچائز کے ساتھ ہوا؟پکی خبر آگئی،رپورٹ کے مطابق پاکستان کرکٹ ٹیم کے سابق کپتان بابر اعظم کا آسٹریلیا کی بگ بیش لیگ (بی بی ایل)میں معاہدہ ہو گیا۔بگ بیش لیگ کی فرنچائز سڈنی سکسرز نے بابر اعظم کے ساتھ معاہدے کا ٹیزر جاری کر دیا۔ ٹیزر میں ممکنہ طور پر بابر اعظم کی کٹ دکھائی گئی ہے۔سڈنی سکسرز بابر اعظم کے ساتھ معاہدے کی تفصیلات کل جاری کرے گا۔واضح رہے کہ دو روز قبل پاکستان کرکٹ بورڈ (پی سی بی) نے بابر اعظم سمیت کئی قومی کرکٹرز کو مختلف لیگز کیلیے این او سی جاری کیا تھا۔
پی سی بی اعلامیے کے مطابق بابر اعظم کو بگ بیش لیگ کیلیے 14 دسمبر تا 28 جنوری کیلیے این او سی جاری کیا گیا ہے۔اعلامیے کے مطابق فاسٹ بولر شاہین آفریدی اور محمد رضوان کو بھی اسی دورانیے کیلیے این او سی جاری ہوا ہے۔پی سی بی اعلامیے کے مطابق فاسٹ بولر محمد عامر کو ایسیکس کاونٹی کے لیے 18 جولائی تک، شان مسعود کو لیسٹر شائر کیلیے یکم ستمبر تک، حسن علی کو واروکشائر کاونٹی کیلیے 30 ستمبر تک کا این او سی جاری کیا گیا ہے۔