حمیرا اصغر کیس میں نیا موڑ’ موبائل فونز اور لیپ ٹاپ کا ڈیٹا ریکور

کراچی (کھوج نیوز) پولیس نے کراچی کے علاقے ڈیفنس فیز 6کے فلیٹ سے مردہ پائی جانے والی اداکارہ حمیرا اصغر کے کیس میں نیا موڑ، موبائل فونز اور لیپ ٹاپ کا ریٹا ریکور کرلیا گیا۔

تفصیلات کے مطابق کراچی فیز 6 کے فلیٹ میں مردہ پائی جانے والی اداکارہ حمیرا اصغرکے کیس میں تحقیقات مزید آگے بڑھی ہیں، پولیس نے ادکارہ کے استعمال میں رہنے والے گیجٹس حاصل کرکے کھول لیے ہیں۔ پولیس کے مطابق حمیرا کے پاس 3 موبائل فونز، ایک ٹیبلٹ اور ایک لیپ ٹاپ تھا جس کے پاسورڈز ان کی ڈائری میں درج تھے، جس کی مدد سے پولیس نے ان گیجٹس کا ڈیٹا حاصل کرلیا ہے۔

پولیس کے مطابق 2 افراد کے بیانات بھی قلمبندکرلیے گئے ہیں جب کہ مزید 2 افرادکو طلب کیا گیا ہے۔ پولیس کا کہنا ہے کہ اداکارہ جِم اور بیوٹیشن کے پاس جاتی تھیں، تحقیقات آگے بڑھانے میں ادکارہ کے جِم ٹرینر سمیت دیگر افراد سے بھی مدد لی جائیگی۔ پولیس حکام نے مزید بتایا کہ اداکارہ کا چند لوگوں سے رابطہ رہاہے جب کہ ادکارہ کی بینک اکاؤنٹس کی بھی جانچ پرتال کی جارہی ہے۔