توہین مذہب کے الزامات پر کمیشن تشکیل کا معاملہ، ہائیکورٹ کا فیصلہ آگیا

اسلام آباد(کھوج نیوز) توہین مذہب کے الزامات پر کمیشن تشکیل کرنے کے معاملے پر اسلام آباد ہائیکورٹ کا فیصلہ آگیا ہے یہ فیصلہ جسٹس خادم حسین اور جسٹس اعظم خان نے سنایا۔

تفصیلات کے مطابق اسلام آباد ہائی کورٹ کے جسٹس خادم حسین اور جسٹس اعظم خان نے حکم جاری کرتے ہوئے کمیشن کی تشکیل کاجسٹس سردار اعجاز اسحاق کا فیصلہ معطل کر دیا۔ راؤ عبدالرحیم ایڈووکیٹ نیکمیش کی تشکیل کیخلاف انٹراکورٹ اپیل دائرکی تھی۔

خیال رہے کہ گزشتہ ہفتے اسلام آباد ہائیکورٹ کے جسٹس سردار اعجاز اسحاق نے توہینِ مذہب کے مقدمات کی تحقیقات کیلئے کمیشن تشکیل دینے کی درخواستوں پر سماعت کی تھی اور درخواستیں منظور کرتے ہوئے حکومت کو کمیشن تشکیل دینے کا حکم دیا تھا۔ اسلام آباد ہائیکورٹ نے وفاقی حکومت کو 30 دن میں کمیشن تشکیل دینے کا حکم دیا اور کہاکہ وفاقی حکومت کا تشکیل کردہ کمیشن 4 ماہ میں اپنی کارروائی مکمل کرے۔