مکہ مکرمہ میں پاکستانی شہری کو موت کی سزا کیوں سنائی گئی؟

ریاض (مانیٹرنگ ڈیسک) مکہ مکرمہ میں پاکستانی شہری کو سزائے موت کا حکم کیوں سنایا گیا؟ اس پر کیا الزام تھا؟ اس حوالے سے تمام تر تفصیلات سامنے آنے کے بعد سب ہکا بکا رہ گئے ہیں۔

انٹرنیشنل میڈیا کے مطابق وزارت داخلہ نے بیان جاری کیا ہے کہ مکہ مکرمہ میں منشیات اسمگلنگ کے جرم میں مجرم کو سزائے موت دے دی گئی۔ وزارت داخلہ کے مطابق پاکستانی شہری بختیار زیب مملکت میں ہیروئن اسمگلنگ کرنے کے جرم میں گرفتار ہوا تھا۔ مجاز عدالت نے مجرم کو سزائے موت سنائی تھی جسے سپریم کورٹ نے بھی برقرار رکھا۔ سعودی وزارت داخلہ کے مطابق مجرم کو اتوار کے روز مکہ مکرمہ میں سزائے موت دے دی گئی۔