انگلینڈ کرکٹ میں ایک بار پھر جنسی ہراسانی کی گونج، نامور شخصیات کیخلاف تحقیقات شروع
برطانیہ (سپورٹس ڈیسک) انگلینڈ کرکٹ میں ایک بار پھر جنسی ہراسانی کی گونج سنائی دی ہے جس کے بعد نامور شخصیت کے خلاف تحقیقات شروع کرتے ہوئے پولیس نے پوچھ گچھ شروع کر دی ہے۔
انٹرنیشنل میڈیا کے مطابق انگلینڈ کرکٹ میں نامور شخصیت کے خلاف 2 خواتین پر جنسی حملہ اور نشہ آور چیز پلانے پر تحقیقات ہورہی ہیں۔ میڈیا کا کہنا ہے کہ 2 خواتین میں سے ایک پر جنسی حملہ کیا گیا۔ 40 سال کے عمر کے شخص سے پولیس نے تفتیش کی۔ میڈیا کے مطابق اسکاٹ لینڈ یارڈ نے جون میں ساتھ ویسٹ لندن کے پب میں ممکنہ نشہ آور چیز پلانے کی شکایت پر 40 سالہ شخص سے سوالات کیے۔
میڈیا کے مطابق انگلینڈ اور ویلز کرکٹ بورڈ کو تحقیقات کے متعلق آگاہ کردیا گیا ہے۔گزشتہ 12 مہینوں میں جنسی بدسلوکی کا یہ دوسرا واقعہ ہے۔میڈیا کا کہناہے کہ مبینہ واقعہ 22 مئی کو لندن کے علاقے میں پیش آیا۔ میٹرو پولیٹن پولیس کے مطابق 2 خواتین کو نشہ آور چیز پلانے اور ان میں سے ایک پر ممکنہ طور پر جنسی تشدد کا نشانہ بنانے کا الزام ہے۔ پولیس کا کہنا ہے کہ 5 جون کو 40 سالہ شخص سے پوچ گچھ کی گئی، ابھی تحقیقات جاری ہیں اور کوئی گرفتاری عمل میں نہیں لائی گئی۔
