لاہور(کھوج نیوز) وزیراعلیٰ پنجاب مریم نواز سے سعودی شہزادہ منظور بن محمد نے ملاقات کی جس میں پنجاب کے لئے حیران کن تحفہ دینے کا اعلان بھی کیا گیا جو سب سے حیران کن ہے۔
تفصیلات کے مطابق وزیراعلیٰ پنجاب مریم نواز کا کہنا تھا میں نے اپنی جلاوطنی کے دنوں میں جدہ میں کئی سال گزارے، میں کہہ سکتی ہوں کہ جدہ کو بھی اتنا ہی جانتی ہوں جتنا لاہور کو جانتی ہوں۔ان کا کہنا تھا پنجاب حکومت جدید خطوط پر کام کررہی ہے، خادم الحرمین شریفین کے ساتھ پاکستان کے تعلقات کو نئی جہت لے جائیں گے، سرمایہ کاروں کو بہترین سہولتیں فراہم کر رہے ہیں، پاکستان پر اعتماد کرنے پر سعودی قیادت کی شکر گزار ہوں۔
مریم نواز کا کہنا تھا پاکستان اور سعودی عرب کے برادرانہ تعلقات پوری مسلم دنیا کیلئے مثالی ہیں، سعودی عرب پوری مسلم امہ کیلئے ایک مثالی حیثیت رکھتا ہے، سعودی عرب اور پاکستان کے درمیان دفاعی معاہدے کو عوام نے بے پناہ سراہا۔ وزیراعلی پنجاب کا کہنا تھا مکہ مکرمہ اور مدینہ منورہ ہمیں اپنی جان سے بھی زیادہ عزیز ہیں، مکہ مکرمہ اور مدینہ منورہ کی پاسبانی کی ذمیداری پاکستان کیلیے اعزاز ہے، پاکستان ہر وقت سعودی عرب کے ساتھ کھڑا ہے۔
سعودی شہزادہ منصور بن محمد کا اس موقع پر کہنا تھا پنجاب میں سرمایہ کاری کیلئے پرعزم ہیں، سعودی عرب اور پاکستان کے درمیان نئے دور کا آغاز ہو چکا ہے، سعودی سرمایہ کاروں کو بہت پہلے پاکستان آنا چاہیے تھا۔ ان کا کہنا تھا آئی ٹی، صحت، ہاسنگ کے شعبوں میں پاکستان کے ساتھ شراکت داری کے خواہش مند ہیں، پنجاب میں 10 لاکھ گھروں کی تعمیر کا منصوبہ زیر غور ہے، پاکستان کے ساتھ ٹورازم کے شعبے میں بھی تعاون بڑھانا چاہتے ہیں۔ انہوں نے کہا کہ پنجاب کی زمینیں زرخیز ہیں، پنجاب کے ساتھ شراکت داری بہت اہمیت کی حامل ہے، پنجاب ہماری سرمایہ کاری کیلیے بہت اہم ہے، پنجاب میں موجود سرمایہ کاری کے مواقعوں سے فائدہ اٹھائیں گے۔
