ممبئی (شوبز ڈیسک) بالی ووڈ کے اداکار رنبیر کپور ایک بار پھر تنقید کی زد میں آگئے ہیں، سوشل میڈیا پر ویڈیو وائرل ہونے کے بعد صارفین نے ان پر شدید تنقید کی، یہ ویڈیو کونسی تھی؟ پتا چل گیا۔
انٹرنیشنل میڈیا کے مطابق بالی ووڈ اداکار رنبیر کپور فلم ”رامائن ”کیلئے نان ویجیٹیرین کھانے اور شراب نوشی چھوڑنے کے دعوے کے بعد ویڈیو سامنے آنے پرتنقید کی زد میں آگئے۔ حال ہی میں میڈیا پر خبریں سامنے آئی تھیں کہ رنبیر کپور نے نتیش تیواری کی فلم رامائن میں رام کا کردار نبھانے کیلئے نان ویجیٹیرین کھانے اور شراب نوشی ترک کردی ہے۔
دوسری جانب اس کردار سے ذاتی وابستگی کیلئے رنبیر ان دنوں ساتوک لائف اسٹائل اپنائے ہوئے ہیں جس میں مراقبہ اور صبح سویرے کی جانے والی ورزش بھی شامل ہے۔ ان خبروں کے بعد حال ہی میں نیٹ فلکس پر ڈائننگ ود دا کپور کے عنوان سے جاری کی گئی ایک ویڈیو کے بعد بھارتی صارفین نے رنبیر کپور کو نشانے پر رکھ لیا۔
