میکسیکو (مانیٹرنگ ڈیسک) میکسیکو کا نیوی طیارہ فنی خرابی کے باعث امریکی ساحل پر گر کر تباہ ہوگیا ہے جس میں متعدد افراد ہلاک اور زخمی بھی ہو گئے ہیں، زخمیوں کو طبی امداد کیلئے مقامی اسپتال میں شفٹ کر دیا گیا ہے۔
انٹرنیشنل میڈیا کے مطابق میکسیکن نیوی نے تصدیق کی ہے کہ اس کا ایک طیارہ امریکی ریاست ٹیکساس کے ساحل پر گر کر تباہ ہوگیا۔ میکسیکن نیوی کے مطابق طیارے کو حادثہ میڈیکل ٹرانفسرکے دوران پیش آیا۔ میکسیکن نیوی نے مزید بتایا کہ طیارے میں8 افراد سوار تھے جن میں سے4 نیوی کے افسران اور ایک بچہ بھی شامل ہے۔ میڈیا رپورٹس کے مطابق حادثے میں5 افراد ہلاک ہوئے اور2 محفوظ رہے جب کہ ایک شخص لاپتا ہے جس کی تلاش جاری ہے۔
