ممبئی (مانیٹرنگ ڈیسک) بالی ووڈ کی مشہور و معروف اداکارہ کترینہ کیف اور ان کے خاوند وکی کوشل نے پیدائش کے 2ماہ بعد اپنے بیٹے کا نام کیا رکھا؟ اس حوالے سے سچائی سامنے آگئی ہے۔
انٹرنیشنل میڈیا کے مطابق گزشتہ سال 7 نومبر کو شادی کے 4 سال بعد کترینہ کیف اور وکی کوشل کے ہاں پہلے بچے کی پیدائش ہوئی تھی تاہم 2 ماہ بعد آج 7 جنوری کو کترینہ کیف اور وکی کوشل نے اپنے بیٹے کے نام کا باضابطہ اعلان کیا۔ کترینہ کیف اور وکی کوشل نے انسٹاگرام پوسٹ میں اپنے بیٹے کی پہلی جھلک شیئر کرتے ہوئے بتایا کہ انہوں نے اپنے بیٹے کا نام ‘ویہان کوشل ‘ رکھا ہے۔ جوڑے نے پوسٹ کے کیپشن میں لکھا کہ ہماری روشنی کی کرن، ویہان کوشل، دعائیں قبول ہو گئیں، زندگی بہت خوبصورت ہے۔ ہماری دنیا ایک لمحے میں بدل گئی۔
